طبعا الايام دى الايام دى ايام عيد
يعنى احنا خارجين كلنا من صياموكدا واكيد بنقول لازم نعوض وننزل بقي على كحك وبسكوت وحلويات العيد
فانا قلت بقي في ظل الاسعار العالية دى نوفر ونعمل وناكل برضة اهم حاجة
عشان كدا انا النهاردة جمعت المعلومات وبعد بحث طويل من الجدود والامهات وخبراتهم الجميلة في فن الحلويات انى اقدم ليكم النهارده في طبق اليوم
كــــحــــــك العــــيـــــد
المكونات:
كيلو دقيق
1/2 كيلو سمنه بلدي
4 معالق كبيره سمسم
كوب لبن دافء
قطعه خميرة بيرة وسط
معلقة سكر
معلقة محلب ناعم
معلقة كبيرة بيكنج بودر
ذرة ملح
نصف معلقة ريحة كحك
طريقة التحضير:
- نحضر وعاء عميق نضع فيه الدقيق
- نضيف للدقيق الملح والبيكنج بودر والمحلب
- نعمل حفرة بالدقيق ونحط السمسم ويكون مغسول وناشف
- نقدح مقدار السمنه على النار ونصبه على الدقيق والسمسم مع الحذر الشديد
- نقلب السمنه بمعلقة خشب جيدا حتى يتشرب الدقيق كل السمنه
- ندوب الخميرة في ماء دافء وسكر ولما تفور اضيفها على العجينه
-اضيف ريحه الكحك ثم اللبن للعجن
-اعجن جيدا حتى تتشرب كل المكونات مع الدقيق
- اتركها حوالي نصف ساعه قبل التشكيل
-اعمل كور صغيرة واحط فيها العجوة او الملبن واشكلها بالمنقاش او الفورما الخاصة بالكحك
-اخبزها في فرن متوسط الحراره حوالي نصف ساعة
وبالهنا و الشفا و كل عام و انتم بخير
وسلاموا عليكوا بقي
الأحد سبتمبر 12, 2010 10:46 pm
