الدور دة مش جايب معلومة بعينها
انا كنت بتفرج على برنامج رائع جدا للكاتب والصحفى ابراهيم عيسى رئيس تحرير جريدة الدستور
ويقدم ايضا برنامج على قناة دريم اتنين فى رمضان الحالى بعنوان الفاروق اميرا
البرنامج بيتكلم عن سيدنا عمر
انا من الناس اللى بتحب سيدنا عمر بن الخطاب جدا جدا ويعتبر اكتر صحابى انا بحبوا كمان من كتر ماقرات عنوا ومن كتر ماعرفت عن شخصيتوا
هاقولكوا شوية حاجات كدة يارب الزاكرة تسعفنى
سيدنا عمر بعد احد الغزوات تقريبا كانت بدر المفروض ان فية اسرى اتاخدوا من المشركين
فالرسول لما اخد راى ابو بكر وعمر
كان راى ابو بكر ان كل مشرك يدفع فدية نعد بها الجيش وكمان يعلموا المسلمين القراءة والكتابة
وكان راى سيدنا عمر ان رسول الله يمكن كل مسلم من قريب لة اسر فى المعركة فيقتلة
سيدنا محمد كان راية من راى ابو بكر وفعلا دة اللى حصل
بعد فترة دخل سيدنا عمر على سيدنا محمد وعلى ابو بكر الصديق فوجدهم يبكوا فقال لهم اخبرونى مايبكيكم فان كان شاى يبكينى بكيت معكم وان كان لا يبكينى تباكيت لبكاؤكما
السبب فى بكاء سيدنا محمد وابو بكر الصديق ان نزل قرآن ان راى سيدنا عمر كان اصح
الحاجة التانية
تانى يوم اعلن عمر اميرا على المؤمنين بعد وفاة سيدنا ابوبكر الصديق
كان فى حروب بين المسلمين والناس اللى ارتدوا عن الاسلام فكان ابو بكر يمنع المرتدين بعد عودتهم الى الاسلام من المشاركة فى الحروب
ثم جاء سيدنا عمر وامر بعودتهم الى الحروب مع المسلمين يد بيد فى مواجهة المشركين
وكان راى عمر صحيحا لان الللى كانوا ارتدوا دول كانوا يعتبروا منبوزين حتى بعد ماعادوا وحتى الغنائم اللى بتيجى بعد الحروب مش بيكون لهم نصيب فيها
معلومة على السريع
كلنا بنصلى التراويح فى المسجد ورا الامام وكلنا بنظن ان دى كانت حاجة من عصر رسول الله سيدنا محمد علية الصلاة والسلام
لكن الحقيقة ان الرسول كان بيصلى التراويح لواحدوا وكان احيانا احد الصحابة ياتى فيصلى مع الرسول فيتجمع الناس ويصلى بهم الرسول
ولكن سيدنا عمر هو اول من صلى بالناس صلاة التراويح اماما معلنا ذلك
(اتمنى ان ميكنشى فية اى اخطاء ولو اى حد عندوا تعليق يجيبوا وان شاء الله نتناقش فية)
ان شاء الله يكون فى تكملة
بس منتظر مساهمتكوا ان شاء الله
بالتوفيق للجميع