حاولت الاقى كلام
يوصف اللى جوايا لبلدى دى
ملقتش الا الكلام دة طالع من جوايا
***********************
***********
***********************
ضعتى يا بلدى وضاع الزمن الجميل
أبنك كرامته ضاعت وعايش جواكى ذليل
لو يوم فكر يشكى يشيل لقب قتيل
ولو يوم فكر يحكى يبقى اسمه الاسير
امتى هلاقى ابنك يكون بحبك جدير
وامتى هتحنى عليا شفت جفاكى كتير
ولادك ملهومش فيكى ولا اى نقطة خير
ناس بتلبس الخيش وناس ليها الحرير
ضاعت فيكى الكرامة مات فيكى الضمير
الطيب بقى حرامى والحرامى بقى وزير
الغريب لو فكر يجيلك بيعيش عيشة أمير
اتمسح خلاص تاريخك مع انه كان كبير
في ناس بتاكل بيتزا وغيرها مش لاقى الفطير
غلابة بيناموا عالارض وبهوات ليهم سرير
ريش النعام لناس وناس ليهم حصير
الحمد لله لأنى عايش فيكى فقير
الأربعاء يناير 26, 2011 5:56 pm
