Music Sence
 دردشــة بين أحمد ومــُـنــي بس جـَـامدة أخــرْ حـَـاجة  Ezlb9t10
Music Sence
 دردشــة بين أحمد ومــُـنــي بس جـَـامدة أخــرْ حـَـاجة  Ezlb9t10
Music Sence
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


أغانى | أفلام أجنبى | أفلام عربى | برامج كاملة | مناقشات | دردشة | ألعاب | مسابقات
 
الرئيسيةالبوابةأحدث الصورالتسجيلدخول
 دردشــة بين أحمد ومــُـنــي بس جـَـامدة أخــرْ حـَـاجة  521813582

 

  دردشــة بين أحمد ومــُـنــي بس جـَـامدة أخــرْ حـَـاجة

اذهب الى الأسفل 
2 مشترك
كاتب الموضوعرسالة
احمد يونس
عضو نشيط
عضو نشيط
احمد يونس


عدد المساهمات : 156
نقاط : 498
شُهرة العضو : 2
تاريخ التسجيل : 08/08/2010

 دردشــة بين أحمد ومــُـنــي بس جـَـامدة أخــرْ حـَـاجة  Empty
مُساهمةموضوع: دردشــة بين أحمد ومــُـنــي بس جـَـامدة أخــرْ حـَـاجة     دردشــة بين أحمد ومــُـنــي بس جـَـامدة أخــرْ حـَـاجة  I_icon_minitimeالإثنين ديسمبر 13, 2010 7:13 pm

إنتشر اللون الوردى الملئ بالقلوب فى غرفة الشات إثر إختيار أوبشن الخلفية العاطفية



أحمد : هاى .. ممكن نتعرف
منى : وليه لأ
أحمد : مين معايا؟
منى : الأميرة المتمردة
أحمد : لا والله؟
منى : والنيعمة
أحمد : أهلا بالأميرة المتشردة آآقصدى المتمردة
منى (بقرف) : ايه العسل ده يا واد .. انت اسمك ايه ياض
أحمد : الفارس المجروح
منى : لا ألف سلامة .. وده بيرسول ولا شبشب؟
أحمد : لأ توكتوك .. بس توكتوك شبهك تمام
منى : وانت عرفت منين شكلى يا عم الدبدوب
أحمد (ضاحكاً) : من الصورة اللى انتى حطاها طبعاً
منى (بخجل) : دى صورة الصابوه بتاعى
أحمد : الخالق الناطق
منى : بقولك ايه .. بلاش طولة لسان .. ايه تلاقيح الجتت دى .. فكك منى بقى وروح
شوف لك حتة ناشفة تقعد فيها
أحمد : بشوقك .. انا بردو كمان هروح اشوف لى محل احذية تانى
منى : سلام
أحمد : سلام



(فترة من الصمت)



منى : وانت كام سنة؟
أحمد : أكبر منك بسنتين
منى : ياليلة ملزقة .. يا عم انجز
أحمد : خمسة وعشرين وربع
منى : إيه الربع ده ؟؟
أحمد : أصل أنا امى ولدتنى فى شوال، بس كان ابويا مسافر الخليج وعمتى كانت
بتقول إن أبــ
منى : خلاص يابا .. انتى هتجيبلى تاريخ السلالة
أحمد : وانتى كام سنة؟
منى : أصغر منك بسنتين

أحمد : يا صباح التباتة المعجونة رخامة
منى : انت مش هتبطل طولة لسان
أحمد : بقولك ايه مش ناقص دوشة .. سلام
منى : سلام



(فترة من الصمت)
أحمد : وانتى ساكنة فين؟
منى : المهندسين
أحمد : ياه .. ده احنا جيران اوى .. فين فى المهندسين
منى (بإرتباك) : وانت مالك فى المهندسين وخلاص .. انت هتيجى تكلم بابا ؟
احمد : صباح التدبيس .. شكلك ساكنة فى أرض اللوا

منى : ايه ده عرفت منين؟ آآقصدى فين أرض اللوا دى؟؟
أحمد : هأ .. وانتى بتدرسى ولا صايعة؟
منى : مخلصة آداب
أحمد : وعلى كدة بتعرفى تقرى؟
منى : طبعاً .. وبفهم لغة الحمير كمان .. اتكلم كدة
أحمد : بشوقك .. شكلك مش هتعمرى على ماسنجرى
منى : المكان بقى كله جاز
أحمد : الله يسامحك .. سلام
منى : سلام

(بعد فترة من الصمت)
منى : واللى فى الصورة أبو عضلات ده يبقى انت؟
أحمد : اه .. بس العضلات فوتوشوب
منى : وانت مين اللى عمل لك العضلات دى بالفوتوشوب؟
أحمد (بفخر) : أنا طبعاً
منى : وانت دارس فوتوشوب فى أنهى مقلب زبالة؟
أحمد : هتمثلى بقى .. الصورة دخلت عليكى ما تنكريش
منى : بصراحة دخلت عليا .. اول ما شوفتها افتكرتها معمولة ببرنامج الرسام بتاع
الويندوز .. ما تخيلتش انها فوتوشوب خالص.
أحمد : وعلى فكرة انا لاعب فيها بالفوتوشوب عشان اصغر عضلاتى شوية .. عشان
البنات بتنهار.
منى : طب حاسب يا عم المبنى لتنهار
أحمد : سلام
منى : سلام

(بعد فترة من الصمت)
أحمد : ممكن اشوف صورتك؟
منى : أوك هحطها بس هشيلها على طول .. عشان البقر عندى كلهم أونلاين
أحمد : طب ما تعملى للبقر اوفلاين عشان تبقى مختلفة عنهم
منى : مش فاهمة؟ بس شكلك بتشتم
أحمد : لا ياحبيبى اوعى تقولى كدة اخص عليكى تصدقى زعلت
منى : قشطة عليك .. ما انا كدة كدة هوريك صورتى وهمسحك بعدها
أحمد : موافق

(منى تضع صورتها لبضع ثوانى ثم تخفيها)
أحمد : انتى مرتبطة؟
منى : لأ ومش عايزة يا عم الفارس
أحمد : ولا انا .. تصدقى بدأت دماغك تعجبنى .. ايوة كدة بلا ارتباط بلا وجع قلب
منى : شكلك واخد تسعين قفا على سهوة
أحمد : ما عاشت ولا كانت .. انا بس بحب عيشة الحرية
منى : قشطة عليك .. تعجبنى
أحمد : طب حيث إنك ساكنة فى بولاق الدكرور يبقى اكيد بتعدى على الجيزة؟
ماتيجى نتقابل
منى : لأ .. ما بنزلش الجيزة .. بعدى على انور السادات
أحمد : أنور ؟؟ حبيبى .. ده انا راشق هناك ليل نهار
منى : خلاص قشطات
أحمد : بكرة الساعة خمسة نتقابل فى اتجاه حلوان
منى : البس حاجة مميزة عشان اعرفك
أحمد : لأ هحط لك حزمة جرجير فى عروة القميص
منى : لأ دى تحطها فى .. طبق السلطة ..لا أنا اكيد هعرفك لإن أكيد كل اللى فى
المحطة هيبقى شكلهم محترم.
أحمد (لم يفهم) : ربنا يخليكى يا مزة
منى : اشوفك على خير
أحمد : اشوفك قدام عربية السيدات
منى : سلام

أحمد : سلام




أحمـَـد طــلع أهبــَــلْ أوى








الرجوع الى أعلى الصفحة اذهب الى الأسفل
Dя M!Do
مدير المنتدى
مدير المنتدى
Dя M!Do


ذكر عدد المساهمات : 2625
العمر : 30
نقاط : 3500
شُهرة العضو : 0
تاريخ التسجيل : 13/08/2010

 دردشــة بين أحمد ومــُـنــي بس جـَـامدة أخــرْ حـَـاجة  Empty
مُساهمةموضوع: رد: دردشــة بين أحمد ومــُـنــي بس جـَـامدة أخــرْ حـَـاجة     دردشــة بين أحمد ومــُـنــي بس جـَـامدة أخــرْ حـَـاجة  I_icon_minitimeالأحد يناير 23, 2011 1:29 pm

ههههههههههههههههههههه
جااااامد جدا احمد
تسلم ايدك
الرجوع الى أعلى الصفحة اذهب الى الأسفل
 
دردشــة بين أحمد ومــُـنــي بس جـَـامدة أخــرْ حـَـاجة
الرجوع الى أعلى الصفحة 
صفحة 1 من اصل 1
 مواضيع مماثلة
-
» أحمد رزق من "العار" لـ "زهايمر"
» تأكد إصابة أحمد حسن بقطع في الرباط الصليبي
» أحمد داودا لاعب المصرى يتعرض لكسر فى قدمه
»  الفنان صلاح السقا والد أحمد السقا في ذمة الله

صلاحيات هذا المنتدى:لاتستطيع الرد على المواضيع في هذا المنتدى
Music Sence :: (¯°·._.·(المنتديات الإدارية)·._.·°¯) :: الأرشيف-
انتقل الى: