نفسى ارتاح

السلام عليكم
انا بكتب الموضوع ده لانى حسه ان معظمناحسين اننا تعبنين ومضايقين ومخنوءين ------------------------الخ ماعدا من عافاه الله
وكل الى منخوء بيقول نفسى ارتاح بقى
ويسال نفسه انا تعبان ليه ؟؟؟ ومن ايه؟؟؟!!!!! ويبقى حيران ومخنوء ومضايق وزهقان عشان مش لاقى اجابه على الى هو فيه
عارفين احنا عاملين زى ايه؟؟؟؟؟؟؟؟؟
عاملين زى اللعبه الصغيره فى الدنيا الكبيره بتحركنا زى ماهيا عاوزه
بقينا خلاص مش قادرين نمتلك لنفسنا صوت ضعيف حتى يطلع مننا ويقول لاء
بقينا سلبين حتى فى اقل قرارتنا
مفيش جديد بقينا فى روتين روتين روتين والخنقه محوطانا من كل جانب
بقينا زى البالون الى كل موقف بيحصل حوليه بيملاه بشويه هوا
والهوا ده كله فاسد مفيش هوا نظيف وبرا البلون فيه اشعه شمس مش راحمانا
وفى النهايه البلون بينفجر بعد فتره من كثره اشعه الشمس وملائه بالهواء الفاسد
وياخساره ياريتنا بنستفيد حاجه
عارفين اكتر حاجه بنستفيدها من الموضوع ده
اننا بيجلنا اكتئاب؟؟؟؟؟؟؟؟؟!!!!!!!!!!!!!!!!!!!!!! ياخبر
اكتئاب مره واحده
ازاى يحصل ده طيب جه من اين؟ وسببه ايه؟ وحصل ليه اصلا؟ هو ايه هو انا كده بقيت مجنون ولا ايه ؟ اكتئاب ايه ياشيخه ده الى بتقولى عليه؟؟؟؟!!!!!!!!!!!!
هو ده حالنا مش شاطرين بس الا فى اننا نحس اننا تايهين ومش فاهمين مالنا مخنوءين ------------------الخ
ليه مش بنقف مع نفسنا وقفه صح جاده بدل مااخلى نفسى زى البلون وفى الاخر انفجر من كتر الضغط
ليه مخليش نفس برده بالون بس مرن
اخد من الدنيا حلوها واتنفسه واستنشق هواها الطيب واخرج الهوا السىء الى هو مرها
ليه مقلش لنفسى ليه جالى اكتئاب وكبرت مليون سنه وابقى حزين على نفسى؟؟؟؟ واتقهر وحالتى تبقى حاله
ليه اى صدمه بتاثر فينا اوى زياده عن الزوم وبندم لو عملنا الغلط
عارفين كل ده بيحصل ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عشان بعدنا عن ربنا
الى خلقنا اعلم بينا من نفسنا ليه انا محولش انى افتح صفحه جديده مع ربنا واقوله يارب انا جتلك عشان تفرج همى وتهدينى
والله العظيم هنحس بارتياح نفسى
وربنا بيفرح اوى لما تتقرب منه وتبكى
اكيد هيجزيك خير لما تقوله انا تركت المعصيه دى ابتغاء مرضاتك يارب
ولازم تكون واثق من انك لازم تغير نفسك وتصنع قدرك بايدك
متسمعش من اى حد كلام والسلام
ومتخليش اى ثقافه تانيه تاثر عليك
احنا عرب ومسلمين ونحمد ربنا على كده
انا بدعو كل واحد فينا وانا اولكم
اوصيكم ونفسى بتقوى الله
انا هبدا تدريجا بترك اى حاجه تزعل منى ربنا وميبقاش راضى عنى
كل اما تحس انك خلاص اتخلصت من حمل تقيل شايله على كتافك معطلك عن النجاح
هتحس انك مش مضغوط ولا مخنوء ولا مضايق وربنا هيزرع الفرحه فى قلبك
وتدعى دائما اللهم يامقلب القلوب ثبت قلوبنا على دينك
ومش هيبقى فيه اكتئاب ولا اقول على نفسى مجنون
ربنا يهدينا جميعا نفسى نتغير للاحسن
همس الروح تهمس الى جميع الارواح فهل تفهم الارواح مايقال--------------------------

توبيك فى منتهى الجمال ياهمس
بجد احنا كلنا لازم نقرب من ربنا اكتر عشان نحس بحلاوة الايمان وطاعة ربنا
دايما متميزة ياهمس ياقمر
كلمات رائعة
بالتوفيق

الاجمل هو مرورك سنووايت
ربنا يخليكى ويوفقك

ربنا يخليك حازم
نورت التوبيك
بالتوفيق
همس الروح